دۆناڵد ترەمپ سەرۆکی ئەمریکا - وێنە؛ ماڵپەڕی پۆلیتیکۆ
"ئەگەر رێکنەکەون دەرەنجامی قورسی دەبێت"
ترەمپ: هەفتەی داهاتوو جارێکی تر لەگەڵ ئێران کۆدەبینەوە
964+
شۆڕش قادری
دۆناڵد ترەمپ سەرۆکی ئەمریکا رایگەیاند، هەفتەی داهاتوو جارێکی تر لەگەڵ ئێران کۆدەبینەوە، ئەگەر رێکنەکەون دەرەنجامی قورسی دەبێت.
شەوی رابردوو دۆناڵد ترەمپ بە رۆژنامەنووسانی راگەیاند، “ئێران خوازیارە رێککەوتن بکەین و دەبێ هەرواش بێت، هەفتەی داهاتوو جارێکی تر کۆدەبینەوە، ئەگەر نەگەینە رێککەوتن، دەرەنجامەکانی زۆر قورس دەبێت”.
ترەمپ دووپاتیکردەوە کە رێگە نادەن ئێران دەستی بەچەکی ئەتۆمی بگات و ئاماژەی بەوەکرد، کاتیان هەیە بۆ رێککەوتن.
سەرۆکی ئەمریکا وتیشی، ئەگەر ئێرانییەکان ئەوەی ئێستا پێشنیازی دەکەن، هەر لەسەرەتاوە پێشنیازیان دەکرد، لەگەڵیان رێکدەکەوتن.
رۆژی هەینی 6.2.2026 هەردوو شاندی دانوستانکاری ئێران و ئەمریکا بەشێوەیەکی ناڕاستەوخۆ لە مەسقەتی پایتەختی عومان کۆبوونەوە و لەسەر پرسی ئەتۆمی گفتوگۆیان کرد و تا ئێستاش ئەنجامی کۆبوونەوەکە بەڕوونی ئاشکرا نەکراوە.
"ئێران لە ترسی هێرشی سەربازی دانوستان دەکات"
