چیرۆکى سەرکەوتن
هێز لەمندایە نەک لە شێرپەنجە؛ شێرپەنجە تووشبووەیەکی کرد بە نووسەر
964+
دیلان محەمەدجەزا- سلێمانى
پەیمان ئەحمەد، ژنێکی بە ئیرادەیە و لە رۆژی جیهانیی شێرپەنجەدا چیرۆکی سەرکەوتنی خۆی بەسەر نەخۆشییەکەدا بۆ 964 دەگێڕێتەوە، ئەو دەڵێت “شێرپەنجە فێری کردم تەندروست بژیم و هێز لە مندا بوو نەک لە نەخۆشییەکە.”
پەیمان دەڵێت: “ساڵی 2023 کاتێک لە عەمرە گەڕامەوە، هەستم بە ئازار لە سنگمدا کرد، دوای پشکنین و زەرعکردن دەرکەوت گرێی شێرپەنجەییم هەیە.”
هەرچەندە ساڵێک دەرزیی کیمیایی وەرگرت، بەڵام وەک دەڵێت، بۆى نەکەوتم و بەردەوام بووم لە دەوام، وەرزش و بەڕێوەبردنی کاروبارى ماڵ و منداڵ.
بۆ پەیمان، شێرپەنجە تەنیا نەخۆشی نەبوو، بەڵکو قوتابخانەیەک بوو بۆ گۆڕینی شێوازی ژیان، چونکە لە دواى ئەوە، سیستمى خۆراکى رێکخستووە و فێرى سەبر و ئارامگرتنیشى کردووە.
پەیمان نەخۆشییەکەی تێپەڕاند و لەو ماوەیەدا ئەزموونی خۆی لە نێوان دوو بەرگی کتێبێکدا کۆکردەوە، ئەو ئێستا وەک نووسەرێک دەردەکەوێت و پەیامی بۆ هەمووان ئەوەیە کە ئیرادەی مرۆڤ لە هەموو دەردێک بەهێزترە.
پێداچوونەوە: وریا فەتاح
