نرخی ئێستای چەندە؟
ئەمڕۆ 22 ساڵ بەسەر دروستكردنی پلاتفۆرمی فەیسبووک تێدەپەڕێت
964+
ئەرسەلان عەبدوڵا
پلاتفۆرمی سۆشیال میدیای فەیسبووك ئەمڕۆ یادی 22 ساڵەی دامەزراندنی دەگێڕێت و ئێستا لە قۆناغێكی زۆر پێشكەوتوودایە، هەم لە رووی بەكارهێنان و یوزەرەوە، هەمیش لە رووی نرخی بازاڕەوە.
لێرەدا چەند وێستگەیەكی پێشكەوتنی فەیسبووك دەخەینەڕوو
لە 4.2.2004 بۆ یەكەمجار لە لایەن زۆكەربێرگ و هاوڕێیەكانی لە كۆلیژ خرایەكار.
سەرەتا تەنیا پرۆفایلی كەسی و وێنەیەك بوو.
لە 2006 بۆ یەكەمجار خرایە بەردەستی هەموو خەڵك.
لە شوباتی 2006 نوێبوونەوەی لاپەڕەی سەرەكی كەوتەكار.
لە 2008 تایبەتمەندی POKE زياد كرا، هەروەها چات زیادكرا و دواتر كرایە ماسنجەری ئێستا.
لە 2011 فەیسبووک گۆڕانکاری گەورەی لە رووی شێوە و تایبەتمەندییەكان و دیزاینەوە بەخۆیەوەبینی.
لە 2015 لایڤ بۆ فەیسبووک زیادكرا و ساڵی دواتریش بازاڕكاری.
لە 2022 ڤیدیۆی كورت “ریڵز” بۆ خزمەتگوزارییەكان زیادكرا.
فەیسبووک لە لایەن كۆمپانیای مێتاوە خاوەنداریەتی دەكرێت، كە ئینستاگرام، ماسینجەر و واتساپیش لەخۆدەگرێت.
نرخی ئەو پلاتفۆرمە لەگەڵ بەشەكانی تری ئێستا 1.125 ترلیۆن دۆلارە.
