نرخی نەوت کەمێک بەرزبووەوە
لەبن 68 دۆلارە
نرخى نەوت رووى لە بەرزبوونەوە کردەوە
964+
وریا فەتاح
جارێکى دیکە نرخى نەوت رووى لە بەرزبوونەوە کرد و هەر بەرمیلێکى لە بن 68 دۆلار مامەڵەى پێوە دەکرێت
ئەمڕۆ چوارشەممە 4.1.2026 و لەکاتی کردنەوەی بازاڕی جیهانی نەوت، نرخی یەک بەرمیل نەوت خاوی برێنت بە 67 دۆلار و 83 سەنت دیاری کراوە و نرخەکەشى بەڕێژەى 0.76٪ بەرز بووەتەوە.
هاوکات نرخی بەرمیلێک نەوتی خاوی رۆژئاوای تێکساس بە 63 دۆلار و 79 سەنت مامەڵەی پێوە دەکرێت و ئەویش نرخەکەشى بەڕێژەى 0.92% بەرز بووەتەوە.
بە گشتی گرژییەكانی رۆژهەڵاتی ناوەڕاست و هەڕەشەكانی ئەمریكا بۆ سەر ئێران و چەند وڵاتێكی دیكە، بازاڕی نەوتیان جوڵاندووە و چەند رۆژێک بەردەوام هەڵبەز و دابەز دەکات.
