ئاسایشی هەولێر ڤیدیۆکەی بڵاوکردووەتەوە
ساتی دەستگیرکردنی ئەو تۆمەتبارەی خێزانێکی هەولێری قەتلوعام کرد
964+
شۆڕش قادری
ئاسایشی هەولێر ڤیدیۆی ساتی دەستگیرکردنی ئەو تۆمەتبارەی بڵاوکردەوە کە هەڵیکوتایە سەر خێزانێک.
ئاسایشی هەولێر رایگەیاندووە، “لە رۆژی 25.1.2026 و لە رووداواێکی تاوانی کوشتنی سێ ئەندامی خانەوادەیەک لە گەڕەکی شۆڕشی شاری هەولێر ئاگادار کراینەوە، دەست بەجێ لە لایەن تیمەکانمانەوە، دەست بە ئەنجامدانی بەدواداچون کرا و لە ماوەیەکی کورتدا، ناسنامە و شوێنی تۆمەتبارەکەمان ئاشکرا کرد، بەناوی ( أ ، أ ، ع ) و لە لایەندادوەری لێکۆڵینەوەی ئاسایشی هەولێر فەرمانی دەستگیرکردنی بۆ دەرچوو”.
“تۆمەتبار دوای ئەنجامدانی تاوانەکەی بە ئۆتۆمبێلی ماڵی قوربانییەکان بەنیازبوو بەرەو شاری کەرکوک هەڵبێت، بەڵام لەلایەن هێزەکانمانەوە رێگری لێکرا و دوای رووبەڕووبوونەوەی لەگەڵ هێزەکانمان بە برینداری دەستگیرمان کرد”، ئاسایشی هەولێر وادەڵێت.
ئاماژە بەوەشکراوە، تۆمەتبار لە لێکۆڵینەوەدا دانی بە ئەنجامدانی تاوانەکەیدا ناوە، کە خانەوادەی قوربانیەکان دەناسێت و بە بێ ئاگاداری و لە دەرنگانی شەودا چووەتە ژورەوە و ئەو تاوانەی ئەنجامداوە.
ئاسایشی هەولێر راشیگەیاندووە، بە گوێرەی راپۆرتە پزیشکییەکان دەردەکەوێت کە تۆمەتبار نەخۆشی نەخۆشخانەی دەرونی شاری هەولێر بووە و نەخۆشی دەرونی درێژخایەنی هەیە، پەڕاوی لێکۆڵینەوەی ئاراستەی دادگا کراوە و لێکۆڵینەوە بەردەوامە.
ڤیدیۆ: ساتی دەستگیرکردنی بازرگانێکی مادەی هۆشبەر لە هەولێر
