بازرگانەکان هاوکارن
خواپێداوانی گەرمیان ھاوکاری رۆژئاوا دەکەن
964+
میلاد جەلال – گەرمیان
لەبەردەم ھۆڵی بۆنەکان لە قەزای کەلار، سەرمایەدار و خواپێداوانی گەرمیان کەمپینێکیان بۆ کۆکردنەوەی ھاوکاری بۆ رۆژئاوا راگەیاندوە.
ئەو سەرمایەدارانە جگە لە ھاوکارییەکانی خۆیان، چاوەڕێی پێداویستی دەوڵەمەندەکان و خێرخوازەکانی دیکەی گەرمیانن، بۆ ئەوەی بیگەیەننە رۆژئاوا.
لەتیف شێخ محێدین، ئەندامی ئەنجومەنی لقی سلێمانی یەکێتی ھاوردە و ھەناردەکاران بە 964ى وت،”بازرگانەکان ھاوکارێکی زۆر باشمانن و ھاتوون بەدەم بانگەوازەکەمانەوە”.
“بازرگان ھەبووە پەیوەندی پێمەوە کردوە پێی وتوم، لەسەر کاغەزی سپی چەند ھاوکاری دەنووسی ئامادەم بیبەخشم بە کوردانی رۆژئاوا”، لەتیف شێخ محێدین وای وت.
پێداچوونەوە: ئەرسەلان عەبدوڵا
