سۆران هاتە سەر شەقام
“كورد یەک نەتەوەیە و كەمتەرخەمی لە قیادەی كوردی هەیە”
964+
ئاكام غەفور – سۆران
ژمارەیەكی زۆری هاوڵاتیانی كورد لە ئیدارەی سەربەخۆی سۆران رژانە سەر شەقامەكان و پشتگیریی خۆیان بۆ كوردانی رۆژئاوای كوردستان دەردەبڕن.
هاوڵاتیانی سۆران بە پیاو و ژن و لە هەموو تەمەن و ئاستە جیاوازەكان بەشداریی خۆپێشاندانەكەیان كردووە، كە لە شەقامی كاوە بەڕێوەدەچێت.
خانمێكی كورد بۆ 964 رای خۆی دەربڕی و دەڵێت، دوژمنان خەیاڵیان خاوە داگیرمان بكەن، كورد یەك پارچە و یەك نەتەوەیە.
چالاكوانێكیش دەڵێت، كورد لە ئاستی هاوڵاتیدا هەموو یەكن و بەیەكەوەن، بەڵام كەمتەرخەمی لە قیادەی كوردی هەیە و پێویستە هەمووان یەكبگرن و جاڕی یەكبوونی هەموو كورد لێبدەن.
پێداچوونەوە: ئەرسەلان عەبدوڵا
