قەڵادزێ و رانیە دواى بەفربارین
ئەمساڵ
لە ئیدارەى راپەڕین بەراورد بە پار پێنج هێندە باریوە
964+
وریا فەتاح
بەڕێوەبەرایەتی کشتوکاڵی راپەڕین ئاماری نوێی بارانبارینی بڵاوکردەوە، کە نیشانی دەدات بڕی بارانبارینی ئەمساڵ بازدانێکی گەورەی بەخۆوە بینیوە و لە هەندێک ناوچە بەراورد بە ساڵی رابردوو بڕی بارانەکە 400 بۆ 500 ملم زیادی کردووە.
رانیە و قەڵادزێ؛ جیاوازییەکە زۆرە:
لە رانیە، تا ئەمڕۆ 15.1.2026 بڕی 500.5 ملم بارانی لێ باریوە، لەکاتێکدا پار تا ئەم کاتە تەنیا 108.7 ملم باریبوو. واتە بارانی ئەمساڵ 391.8 ملم زیاترە لە پار و 11 سم بەفریشی لێ باریوە.
لە قەڵادزێ، باران گەیشتووەتە لوتکە و بڕی 610 ملم باریوە، لەکاتێکدا پار تا ئەم کاتە تەنیا 176 ملم باریبوو. جیاوازییەکە 434 ملم زیادیکردووە و 29 سم بەفریشی لێ باریوە.
ئاماری ناوچەکانی تری راپەڕین (تا ئەمڕۆ):
سەروچاوە: زۆرترین بارانی لێ باریوە بە بڕی 620 ملم (پار تەنیا 106 ملم بوو).
سەرکەپکان: 612.9 ملم باران و 19 سم بەفر.
حاجیاوا: 580.4 ملم باران و 10 سم بەفر.
گردەجان: 581.1 ملم باران.
سەنگەسەر: 566.3 ملم باران و 8 سم بەفر.
ژاراوە: 529.9 ملم باران و 20 سم بەفر.
چوارقوڕنە: 524.7 ملم باران و 10 سم بەفر.
بەپێی تێبینی کشتوکاڵی راپەڕین، ساڵی رابردوو لە نێوان 12/1 تا 20/1 هیچ بارانێک لە ناوچەکە نەباریبوو، بەڵام ئەمساڵ تەنیا لە 24 کاتژمێری رابردوودا لە زۆربەی ناوچەکان نێوان 15 بۆ 27 ملم باران باریوە.
