"دەنگێکی بەهێز بووە"
تەقینی بتڵێکی غاز ژنێکی لە سلێمانی بریندار کرد
964+
دیلان محەمەد – سلێمانی
بەهۆی تەقینی بتڵێکی غاز لە ماڵێکی سلێمانی ژنێک بەشێکی جەستەی سووتەوە و رەوانەی نەخۆشخانە کراوە.
رووداوەکە کاتژمێر 1:00ـى دوای نیوەڕۆی ئەمڕۆ لە گەڕەکی شێمحێدین روویداوە.
پەیامنێرمان لەسلێمانی لە نزیک شوێنی رووداوەکە باس لەوە دەکات کە دەنگی تەقینی غازەکە گەورە بووە و شایەدحاڵەکانیش پێیان وتووە کە ژنەکەش بەشێکی جەستەی بەتایبەتیش دەموچاوی سووتاوە.
ئێستا تیمەکانی ئاسایش لە ناو ماڵەکەن و لێکۆڵینەوە لەو رووداوە دەکەن، چونکە تاوەکو ئێستا نازاندرێت هۆکارەکەی چیبووە.
پێداچوونەوە؛ فەرهاد حەسەن
