زیاتر لە 800 تەرمیشیان گواستووەتەوە
رۆژانە نزیکەی 50 دەرچوونی ئەمبوڵانس لە فریاكەوتنی خێرای سلێمانی هەبووە
964+
فەرهاد حەسەن
تەندروستی سلێمانی دەڵێت، لە بەشی فریاکەوتنی خێرا رۆژانە نزیکەی 50 دەرچوونی ئەمبوڵانس بۆ هاوڵاتیان هەبووە و لەماوەی یەک ساڵیشدا ئەمبوڵانسەکانیان زیاتر لە 800 تەرمیان گواستووەتەوە.
بەپێی ئامارێک کە بەرێوەبەرایەتی گشتی تەندروستی سلێمانی بڵاویکردووەتەوە، لە ماوەی ئەمساڵدا 16 هەزار و 844 دەرچوونی ئامبوڵانسەکان لە سەنتەری فریاكەوتنی خێرای تەندروستی 122 بۆ فریاكەوتنی خێرا و بە هاناوەچوونی هاوڵاتیان ئەنجام دراوە، لەو ژمارەیە چوار هەزار و 17 دەرچوون كۆدی سوور بووە.
هاوكات لەماوەی ئەمساڵدا لە سەنتەری فریاكەوتنی خێرای تەندروستی 819 حاڵەتی گواستنەوەی تەرم بۆ پزیشكی دادیی و دوو هەزار و 894 دەرچوونی گواستنەوەی هاوڵاتیان لە ماڵەوە بۆ نەخۆشخانە و بە پێچەوانەوە و چوار هەزار و 722 گواستنەوەی نەخۆش لەناو شار و چوار هەزار و 392 گواستنەوەی نەخۆش بۆ دەرەوەی شار تۆماركراون.
