نرخی نەوت کەمێک بەرزبووەوە

964+

شۆڕش قادری

دوای ئەوەی لە چەند رۆژی رابردوودا نرخی نەوت رووی لە دابەزین کردەوە، ئەمڕۆ کەمێکی دیکە بەرزبووەوە و نرخی هەر بەرمیلێک بەرەو 62 دۆلار هەنگاو دەنێتەوە.

ئەمڕۆ دووشەممە 15.12.2025 و لەکاتی کردنەوی بازاڕی جیهانیی نەوت، نرخی یەك بەرمیل نەوتی برێنت بە 61 دۆلار و 44 سەنت دیاریکراوە و بەراورد بە چەند رۆژی رابردوو نرخەکەی بە رێژەی 0.52% بەرزبووەتەوە.

هەروەها نرخی بەرمیلێك نەوتی خاوی تێكساس بە 57 دۆلار و 73 سەنت مامەڵەی پێوەدەکرێت و ئەویش نرخەکەی 0.50٪ بەرزبووەتەوە.

وەبەرهێنەرانی نەوت چاوەڕێی گفتوگۆی ئاشتیی نێوان روسیا و ئۆكرانیا دەكەن، كە ئەگەر بێتەدی، خواست لەسەر نەوت زیاتر دەبێت، هەرچەندە ترس لەسەر بەرزبوونەوەی نەوتی ئەمباركراوی ئەمریكا هەیە، كە هەمیشە كاریگەریی لەسەر نرخی بازاڕی نەوت هەیە.

زیاتر لە 107 ملیۆن لیتر نەوتی سپی دابەشکراوە

نرخی نەوت زیاتر دابەزی