لە قەڵادزێ دوو گازینۆ داخران

964+

شۆڕش قادری

لە قەڵادزێ دوو گازینۆ داخران، لەبەر ئەوەی پابەندی رێنماییەکان نەبوون و رێگەیان بە مێردمنداڵان داوە بچنەناو گازینۆکان.

بەپێی راگەیەنراوێکی بەڕێوەبەرایەتی پۆلیسی راپەڕین، لە چوارچێوەی هەڵمەتی دەستبەسەرداگرتنی چەکی بێ مۆڵەت و کەرەستەکانی شەڕکردن، هێزەکانی پۆلیسی فریاکەوتنی پشدەر سەردانی ژمارەیەک گازینۆیان لەناو قەڵادزێ کردووە و دوو گازینۆیان داخستووە.

ئاماژە بەوەشکراوە، ئەو گازینۆیانە پابەندی رێنماییەکان نەبوون و رێگەیان بە گەنجانی تەمەن خوار 18 ساڵ داوە بچنەناو گازینۆکان.

بەڕێوەبەرایەتی پۆلیسی راپەڕین جارێکی تر ئاگاداری خاوەنی سەرجەم گازینۆکانی سنوورەکە دەکاتەوە، پابەندبن بە رێنمایەکان و رێگە بە مێردمنداڵان و گەنجانی تەمەن خوار 18 نەدەن، بەپێچەوانەوە رێوشوێنی یاسایی بەرامبەریان دەگیرێتەبەر.

لە رانیە چەند تاقیگە و کۆگایەکی دەرمان سزادران و داخران

کافتریایەک بەهۆکارێکی جیاواز داخرا