لە هەولێر کۆبوونەوە
هەرێم و بەغدا کار بۆ رێگەگرتن لە بازرگانیکردن بە ئەندامانی لەشی مرۆڤ دەکەن
964+
فەرهاد حەسەن
بۆ رێگری لە بازرگانیکردن بە ئەندامانی لەشی مرۆڤ هەولێر و بەغدا بەیەکەوە کار دەکەن بۆ ئەم مەبەستەش کۆبوونەوەی هاوبەشیان ئەنجام داوە.
لەلایەنی حکومەتی عێراقی فیدڕاڵ وەزارەتی تەندروستی، ئاسایشی نیشتمانی و هەواڵگری عێراق، لەلایەنی هەرێمی کوردستانیشەوە هەردوو وەزارەتی ناوخۆ و تەندروستی لە هەولێر کۆبوونەوە.
بەپێی راگەیەندراوێکی وەزارەتی تەندروستی هەرێم، لە کۆبوونەوەیەکی هاوبەشدا گفتوگۆی چەندین بابەتی گرنگ و کارە هاوبەشەکانی نێوان هەردوو لا لەبارەی بەدواداچوون و گرتنەبەری رێکاری پێویست بۆ کۆنترۆڵکردنی بازرگانیکردن بە ئەندامانی لەشی مرۆڤ و نەشتەرگەری چاندنی گورچیلە و هێنانی رەزامەندییەکانی لایەنە پەیوەندارەکانی عێراقی بەتایبەتی بۆ بەخشەرانی پارێزگاکانی دەرەوەی هەرێمی کوردستان کرا.
باس لەوەش کراوە، تەواوی سەرنج و پێشنیارەکان لە کۆبوونەوەکە خرانە روو دەربارەی دوایین دۆخی بڵاوبوونەوەی ئەم دیاردەیە و دەرەنجامەکانیشی گفتوگۆکرا هەردوولاش جەختیان لەسەر پابەندبوون بە یاسا و رێنماییەکان و رێگریکردن لە دیاردەی بازرگانیکردن بە چاندنی ئەندامانی لەشی مرۆڤ کرایەوە.
لە سلێمانی باس لە یاسای بازرگانیکردن بە مرۆڤ كرا
لەهەولێر باندێکی بازرگانیکردن بە مادەی هۆشبەر دەستگیر کرا
