خەریکی کێلڵان بووە
پیاوێک تراکتۆرەکەی کەوت بەسەریدا و گیانی لەدەستدا
964+
دەشتی عارف
پیاوێک لە گوندی تەڕەماری سەروو لە سنووری پیرەمەگروون، لە کاتی کێڵانی زەوی بۆ دانیشتوویەکی گوندەکە، تراکتۆرەکەی وەرگەڕاوە و بووە بەهۆی گیان لەدەستدانی.
لەو سنوورانە خەڵک خەریکی چاندنن و وا بارانیش لە پێشە.
ئەمڕۆ هەینی 5.12.2025، مەروان سوارا، دانیشتوی گوندی تەڕەمارە بۆ 964 قسەی کرد و وتی، پیاوەکە ناوی سەیوان چەرمەگاییە و خەڵکی گوندی چەرمەگایە، تەمەنی لە نێوان 35 بۆ 40 ساڵییە.
ئەمڕۆ لەکاتی کێلانی زەوی گوندی تەڕەمار تراکتۆرەکەی وەرگەڕاوە و کەوتووە بەسەریدا و دەمودەست گیانی لەدەست داوە.
تەرمەکە ئێستا رەوانەی پزیشکی دادیی سلێمانی کراوە، و دوایی توێکاری پزیشکی رادەستی خانەوادەکەی دەکرێتەوە و لە گوندی چەرمەگا بەخاک دەسپێردرێت.
پێداچوونەوە: ئەحمەد مستەفا
