دۆڵی خانەقا و بناری قەندیلیش دەگرێتەوە
دەست بە دابەشکردنی نەوتی سپی بەسەر قوتابخانەکانی دەرەوەی قەزای رواندز کرا
964+
فەرهاد حەسەن
لە سنووری بەڕێوەبەرایەتی پەروەردەی قەزای رواندز دەست بە دابەشکردنی نەوتی سپی بەسەر قوتابخانەکان کرا کە دۆڵی خانەقا و بناری قەندیلیش دەگرێتەوە.
بەڕێوەبەرایەتیی پەروەردەی رواندز، بە هاوکاری لێژنەی دابەشکردنی نەوت، چەند رۆژێکە خەریکی دابەشکردنی نەوتی سپییە بەسەر قوتابخانە و باخچەکانی منداڵانی دەرەوەی شار.
دابەشکردنەکە لە دۆڵەمینجەل، بەرزێوە وگوندەکانی، دۆڵی خانەقا و ناحیەی وەرتێ، بناری قەندیل و دۆڵی ئاکۆیان، دەگرێتەوە.
بۆ هەر پۆلێک بڕی 200 لیتر، ژووری بەڕێوەبەر و مامۆستایان، لەگەڵ هەردوو بەشەناوخۆیی مامۆستایان بڕی 400 لیتر، بۆ باخچەکانی منداڵانیش بڕی 800 لیتر دابەشکراوە.
پەروەردەی رواندز دەڵێت، لە سەنتەری قەزاش دەستیان بە دابەشکردنی نەوتی سپی کردووە و لە ماوەیەکی نزیکدا کۆتایی بە پرۆسەی دابەشکردنەکە دێت.
لە 11 پارێزگای عێراق نەوتی سپی دابەش دەكرێ