نزیكهى 40 ههزار هاوڵاتى سوود له پڕۆژهیهكى وهردهگرن
كارهكانى پێنجەمین لوتکەی تەندروستی کوردستان لە هەڵەبجە بەردهوامه
964+
فهرهاد حهسهن
له دوێنێوه كارهكانى پێنجەمین لوتکەی تەندروستی کوردستان لە پارێزگای هەڵەبجە دهستیپێكردووه و سبهینێش بهردهوام دهبێت و تیایدا چهندین سیمینار و پانێڵ لهسهر بابهتى تهندروستییه جاوازهكان پێشكهش دهكرێن.
یەكەم لوتكەی تەندروستی كوردستان لەساڵی 2019 دەستپێكرد و هەر ساڵێك لوتكەكە لە پارێزگایەكی هەرێمی كوردستان بەڕێوەدەچێت و ساڵانە زیاتر لە دوو هەزار پزیشك و تەندروستكار و ئەكادیمی و سیاسی و بەرپرس بەشداری تێدا دەكەن.
تهندروستى پارێزگاى ههڵهبجه بڵاویكردهوه، كه له لوتكهكهدا 11 پانێڵ و ههشت سیمینار و كۆڕی جیاجیا، لەبارەی بەهێزكردنی كەرتی تەندروستی و رۆڵی سەندیكاكان و رێكخراوەكان لە پەرەپێدانی سیستمی تەندروستی و داڕشتنی داهاتووی كەرتی تەندروستی و هەمانگی نێوان سێكتەرە جیاوازەكان و پەرەپێدانی كەرتی تەندروستی هەڵەبجە، پێشكهش دهكرێن.
ئاماژه بهوهكراوه، لوتکەكه ئامانجێكی ستراتیژی درێژخایەنە بۆ بەرەوپێشبردنی تەندروستی گشتی و کەرتی تەندروستییە لە هەڵەبجە، دەیانەوێت رێکارە تەندروستیە جیهانیەکان بگونجێنن لەگەڵ واقعی سیاسی، ئەمنی و کۆمەڵایەتی، ئابوری هەرێمی کوردستان، کە هەڵەبجە وەک نمونەیەکی زیندوو پیشان بدەن.
لە لوتکەکەدا پڕۆژەیەکی پایڵەت بۆ چاودێری بەرایی تەندروستی رادەگەیەنن کە پلانێکی یەک ساڵیە بۆ حهوت ههزار و 972 كهسى بەساڵاچوو و 21 ههزار و 450 منداڵ و 10 ههزار و 223 خانمی دوگیان لە سنوری پارێزگای هەڵەبجەدا سودمەند دەبن.
بهپێی پڕۆگرامى لووتكهكه، بابهت و چالاکییە زانستیەکان بهگشتى تیشك دهخهنه سهر پێشخستنی چاودێری بەرایی تەندروستی و پزیشکی خێزانی، بەرەنگاربونەوەی مادە هۆشبەرەکان، ئاڵەنگاریەکانی بەردەم دەروون دروستی، ئاسایش و سەلامەتی خۆراک و کاریگەریە درێژخایەنەکانی چەکی کیمایی.
تەندروستی هەڵەبجە بوو بە خاوەنی دوو ئەمبوڵانس
