ئاسمان ساماڵە
ئەمڕۆ و سبەینێ بەتەماى باران مەبن
964+
وریا فەتاح
کەشناسى هەرێم، پێشبینییەکانى بۆ 48 کاتژمێرى داهاتوو بڵاوکردەوە و بەپێى پێشبینییەکانیش، ئەمڕۆ و سبەى ئاسمان ساماڵە و دڵۆپێک باران نابارێت.
بۆ ئەمڕۆ پێنجشەممە، کەشناسى پێشبینى کردووە کە ئاسمان ساماڵ دەبێت لەگەڵ هەندێ پەڵەهەور، بەڵام بارانى تێدا نییە.
بۆ سبەینێش کەشەکە هەر وەک ئەمڕۆ دەبێت و ئاسمان ساماڵ و پەڵەهەور و بێ بارانى دەبێت، بەڵام پلەکانی گەرما کەمێک بەرزتر دەبێت بەراورد بە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی بۆ سبەینێ هەینى بەمشێوەیەیە:
هەولێر : 23 پلەی سیلیزی
سلێمانی : 22 پلەی سیلیزی
دهۆک : 22 پلەی سیلیزی
زاخۆ : 23 پلەی سیلیزی
کەرکوک : 25 پلەی سیلیزی
هەڵەبجە : 22 پلەی سیلیزی
حاجی ئۆمەران : 18 پلەی سیلیزی
گەرمیان : 26 پلەی سیلیزی
