ئەمشەو بارانبارین کۆتایی دێت و کەشەکە سارد دەبێت

964+

شۆڕش قادری

ئەمشەو بارانبارین کۆتایی دێت و پلەی گەرماش زیاتر نزم دەبێتەوە و کەشەکە ئیدی سارد دەبێت.

بەپێی پێشبینییەکانی کەشناسی هەرێم، ئەمڕۆ یەکشەممە 16.11.2025 بارانبارین بەردەوام دەبێت و ئاسمانى هەرێم بە گشتى هەورى تەواو دەبێت، بارانبارین لە زۆربەی ناوچەکان بەشێوەی پچڕ پچڕ دەبێت، بەڵام لە ناوچە شاخاوییەکان ئاستى دابارین زیاتر دەبێت.

دوای نیوەڕۆ لە سنوورى باشوورى پارێزگاى هەولێر و پارێزگاى کەرکوک و هەروەها بەشێک لە ئیدارەى گەرمیان، بارانبارین زیاتر دەبێت و لە هەندێک شوێن هەورەتریشقەی لەگەڵ دەبێت، لە شەودا وردە وردە کاریگەری شەپۆلەکە کۆتایی دێت و پلەی گەرماش دوو بۆ سێ پلەی دیکە نزمتر دەبێتەوە.

بۆ سبەی دووشەممەش، لە بەرەبەیاندا ئەگەرى دروستبوونى تەم هەیە لەسەر زۆربەى ناوچە شاخاوییەکان، پاشان ئاسمان دەگۆڕێت بۆ ساماڵ و پەڵەهەور، پلەی گەرماش تاڕادەیەک وەک ئەمڕۆ دەبێت و گۆڕانکاری ئەوتۆ بەخۆیەوە نابینێت.

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ:

هەولێر: 19 پلەی سیلیزی

سلێمانی: 15 پلەی سیلیزی

دهۆک: 15 پلەی سیلیزی

زاخۆ: 14 پلەی سیلیزی

کەرکوک: 18 پلەی سیلیزی

هەڵەبجە: 17 پلەی سیلیزی

سۆران: 16 پلەی سیلیزی

حاجی ئۆمەران: 7 پلەی سیلیزی

گەرمیان: 19 پلەی سیلیزی

حاڵ و وەزعی عەلوەی هەولێر دوای بارانبارین خراپە و قوڕ و لیتە دایپۆشیوە

کەشناسی وادەی کۆتاییهاتنی شەپۆلی خۆڵبارینی راگەیاند