چوارهم جاره له چهمچهماڵ ئهم ههڵمهته دهكرێت
كهسوكارى ئهنفالكراوان ئومێدیان به “نموونهى خوێن”ـه بۆ دیاریكردنى چارهنووسیى كهسه ئهنفالكراوهكانیان
964+
فهرهاد حهسهن
ههڵمهتێكى نوێ بۆ وهرگرتنى نموونهى خوێن له كهسوكارى ئهنفالكراوانى سنوورى قهزاى چهمچهماڵ دهستپێكردووه، كهسوكارهكان به پهرۆشهوه بهدهم بانگهوازى ههڵمهتهكهوهن و خوێنیان لێ وهردهگیرێت، بۆئهوهى له داهاتوو چارهنووسی كهسه ئهنفالكراوهكانیان بزانن.
ئهمه جارى ههشتهمه له ههرێمى كوردستان ئهم ههڵمهته بۆ كهسوكارى ئهنفالكراوان و چوارهم جاریشه له مۆنۆمێنتى ئهنفال له چهمچهماڵ بهڕێوهدهچێت.
هابیل حاجى ئهحمهد، بهڕێوهبهرى مۆنۆمێنتى ئهنفال به 964ـى راگهیاند، ئهمڕۆ سێیهم رۆژى ههڵمهتهكهیه و ماوهى سێ رۆژى دیكهش بهردهوام دهبێت.
وتیشی “كهسوكارى ئهنفالكراوان به پهرۆشهوه سهردانمان دهكهن و نموونهى خوێنیان لێوهردهگیرێت، چونكه ئومێدێكى گهورهیان لهسەر ئهمه ههڵچنیووه كه لهداهاتوودا چارهنووسى كهسوكاره ئهنفالكراوهكانیان بزانن”.
ههڵمهتهكه نیشتمانییه، له بهغداوه چهندین تیمى تایبهتمهند هاتوونهته چهمچهماڵ كارى بهڕێوهچوون و سهرپهرشتیكردنى ههڵمهتهكه بهڕێوه دهبهن.
كۆچی دوایی "پورە شهوكهت" رهخنهى توندى رووبهڕووى حكومهت و وهزارهتى شههیدان كردهوه
