گەرمیان
ئاو و ئاوەدانى؛ هەڵکەندنى بیرێک گوندێکى ئاوەدانکردەوە
964+
میلاد جەلال- گەرمیان
نزیکەى 20 ساڵ بوو گوندێکى سنوورى گەرمیان بەهۆى وشکبوونى سەرچاوەى ئاوەکەى چۆڵکرابوو، بەڵام بیرێکى ئاویان بۆ هەڵکەندرا و دانیشتوانەکەى گەڕانەوە گوندەکەیان و ئاوەدانیان کردەوە.
دانیشتوانی گوندی باشە لە ناحیە سەرقەڵا، 18 ساڵ پێش ئێستا بەھۆی بێ ئاوی گوندەکەیان چۆڵکرد، بەڵام رێکخراوى هاوکارى ئەڵمانى بیرێکى بۆ هەڵکەندن و ئاوەدانى بۆ گوندەکە گەڕاندەوە.
لەخۆشى ئەو بیرە، ئەمڕۆ چوارشەممە، دانیشتوانى گوندەکە کردیان بە جەژن و نیوەڕۆخوانێکى گەورەیان سازکرد و بڕیاریاندا بگەڕێنەوە بۆ گوندەکەیان.
پێداچوونەوە: وریا فەتاح
