رووداوێکى هاتوچۆ لەسەر رێگاى کەلار- خانەقین
هەفتەیەکە هاوسەرگیریان کردووە؛ پیاوەکە گیانى لەدەستدا و ژنەکەش بەسەختى بریندارە
964+
میلاد جەلال -گەرمیان
کەمێک لەمەوبەر، بەهۆى رووداوێکى هاتوچۆ لەسەر رێگاى کەلار بۆ خانەقین، رووداوێکى هاتوچۆ روویدا و بەهۆیەوە پیاوێک گیانى لەدەستدا و هاوسەرەکەى بریندارە.
هەفتەیەکە ئەو ژن و پیاوە هاوسەرگیریان کردووە
سامان عەلی، وتەبێژی ھاتوچۆی گەرمیان بە 964ـى وت،”رووداوەکە لەنزیک گوندی شێرەوەن، لەنێوان ئۆتۆمبێلێکی تایبەت لە جۆری بی وای دی و بارھەڵگرێک، روویداوە”.
وەک باسى دەکات، ئۆتۆمبێلە تایبەتەکە دوو کەسى تێدا بووە کە ژن و پیاوێکن و هاوسەرى یەکترین، پیاوەکە گیانى لەدەستداوە و ژنەکەش بەسەختى بریندارە.
بەوتەى سامان عەلى، پیاوەکە تەمەنى 25 ساڵە و ژنەکەش 23 ساڵە و ماوەى هەفتەیەکە چوونەتە ناو ژیانى هاوسەرگیرییەوە.
پێداچوونەوە: وریا فەتاح
