"سەرنجڕاکێشترە"
گەنجێکی کۆیە کیو ئاڕ کۆد بەشێوەی وێنە و لۆگۆ دروست دەکات
964+
عەبدولعەزیز خالند – هەولێر
ئەگەر جاران کیو ئاڕ کۆد تەنیا رەش و سپی بوو و دیار نەبوو تایبەتە بە چ دامەزراوە یان شوێنێکەوە، ئێستا گەنجێکی وریای شاری کۆیە هەستاوە بە دروستکردنی کیو ئاڕ کۆد بە وێنە و لۆگۆی جیاواز و هەر بە بینینی بۆت دەردەکەوێ کە هی چ شوێنێکە.
ئالان ئازاد پڕۆژەکەی بردووەتە پێشانگای هایتێکس لە شاری هەولێر و بە 964ـی وت، “کیو ئاڕ کۆدەکانی پێشوو هەموو وەک یەکن و هیچ جیاوازییەکیان نییە، بۆ بیرم لەوە کردەوە کە بە شێوەیەکی جیاواز و سەرنجڕاکێش کیو ئاڕ کۆد دروست بکەم”.
“دەتوانم وێنە و لۆگۆی هەر شوێنێک کە تۆ بتهەوێ لەسەر کیو ئاڕ کۆدەکە بکێشم و بە هەموو شێوەیەک دروستی دەکەم”، ئالان ئازاد وای وت.
ئاماژە بەوەشکرد، هەندێک لەو کیو ئاڕ کۆدانە کاری زیاتری دەوێت و دروستکردنیان چەند رۆژێک دەخایەنەێت.
پێداچونەوە؛ شۆڕش قادری
خوێندکارێک داهێنانی لە ئامێرێکی بەرهەم هێنانی کارەبا کردووە
