دیمەنی بەشێک لە مینەکان وێنە: دەزگای گشتی کاروباری مین
لە چۆمان و کۆیە
لەدوو ئەرکی جیادا 34 مین چارەسەرکران
964+
ژێوار خدر
تیمی لەناوبردنی کەرەستەی تەقەمەنی لە دوو ئەرکی جیاوازدا لە قەزای چۆمان و کۆیە 34 مینیان پوچەڵ کردەوە.
دەزگای گشتی کاروباری مین رایگەیاند، لە هەر یەک لە کێڵگەمینی کروکەزەرد لە گوندی پیرئۆمەری سەر بەناحیەی سمیلان لە قەزای چۆمان و لە گوندی گۆمەشینی سەر بە ناحیەی دێگەڵە لە قەزای کۆیە مینەکانیان پوچەڵکردووەتەوە.
دەشڵێت، ژمارەی مینەکان 34 مینی دژەکەسی بوون، کە لەلایەن تیمی لەناوبردنی کەرەستەی تەقەمەنی پووچەڵکرانەوە و لەناوبران.
ئەمە لە کاتێکدایە هەر دوێنێ لە گوندی مۆکەبەـی سەربە قەزای شارباژێریش دوو گولـلەی هاوەنی 60 ملم دۆزرانەوە، لەلایەن تیمەکانی مینلابەرەوە هەڵگیرانەوە و گوازرانەوە بۆ شوێنێکی پارێزراو.
