سێ نۆرینگە و تاقیگەیەک و سەنتەرێکی جوانکاری لە سیدەکان داخران - وێنە؛ تەندروستی سۆران
نۆرینگەکان دەرمانی قاچاخیان هەبووە
سێ نۆرینگە و تاقیگەیەک و سەنتەرێکی جوانکاری لە سیدەکان داخران
964+
شۆڕش قادری
سێ نۆرینگە و تاقیگەیەک و سەنتەرێکی جوانکاری لە سیدەکان داخران، نۆرینگەکان دەرمانی قاچاخیان هەبووە و تاقیگەکەش دەرمانی ماوەبەسەرچوو، سەنتەرەکەش مۆڵەتی نەبووە و داخراوە.
بەپێی راگەیەنراوێکی بەڕێوەبەرایەتی گشتی تەندروستی سۆران، ئەمڕۆ سێشەممە 23.9.2025 لیژنەی پشكنین و بەدواداچوونی بەڕێوەبەرایەتییەکە سەردانی نورینگە و دەرمانخانەکانی قەزای سیدەکانیان کردووە و لە ئەنجامدا، نۆرینگەکانی چارە و هیوا بەهۆی بوونی دەرمانی قاچاخ داخراون.
هەروەها نۆرینگەی سیدەکان، جگە لە هەبوونی دەرمانی قاچاخ لە بەیانیانیشدا دەرگای کردۆتەوە و نەخۆشی وەرگرتووە، هەربۆیە ئەویش داخراوە.
تاقیگەی رەواـش بەهۆی دەرمانی ماوەبەسەرچوو و سەنتەری لۆڤا بیوتی بەهۆی نەبوونی مۆڵەت داخراون.
له سۆران نۆرینگهیهكى ددان و دوو سهنتهرى جوانكارى داخران
