حەوتەمین پێشانگای نێودەوڵەتی پیشەسازیی و کەرستەی بیناسازیی لە هەولێر كرایەوە - وێنە؛ پارێزگاری هەولێر
سێ رۆژ بەردەوام دەبێت
حەوتەمین پێشانگای نێودەوڵەتی پیشەسازیی و کەرستەی بیناسازیی لە هەولێر كرایەوە
964+
شۆڕش قادری
بە بەشداری 400 کۆمپانیا لە 20 وڵاتی جیهانیەوە، حەوتەمین پێشانگای نێودەوڵەتی پیشەسازیی و کەرستەی بیناسازیی لە هەولێری پایتەخت كرایەوە و بۆ سێ رۆژ بەردەوام دەبێت.
پێشانگاکە ئەمڕۆ سێشەممە 23.9.2025 بە ئامادەبوونی بەشێک لە کاربەدەستدانی هەولێر و نوێنەرانی وڵاتان لە پایتەخت و پیاوانى کار کراوەتەوە، تیایدا تازەترین بەرهەم و كەرەستە و كەلوپەلی پێشکەوتووی کۆمپانیا پیشەسازییەکانی ناوخۆی کوردستان و وڵاتانی بیانی نمایشكراوە و نوێترین کار و بەرهەم و ئۆفەرەكانی بۆ هاوڵاتیان خراوەتەڕوو کە بەپێی راگەیەنراوێکی پارێزگای هەولێر، گرنگیەكی زۆری هەیە بۆ لە نزیکەوە ئاشنابوونی هاوڵاتیان بە کەرستە و ئامێر و پێداویستییە سەردەمیەكانی پیشەسازیی و بیناسازییەكان.
دوای کردنەوەی پیشانگاکە و بەسەرکردنەوەی بەشەکانی، ئومێد خۆشناو پارێزگاری هەولێر هیوای خواست، كردنەوەی ئەم پیشانگاییە ببێتە هۆکارێک بۆ زیاتر بەرەوپێشچوونی كەرتی پیشەسازیی و بیناسازیی لە هەولێر بەتایبەتی و هەرێمی کوردستان بەگشتیی.
لە هەولێر پێشانگایەک بۆ ئۆتۆمبێلە کلاسیکەکان دەکرێتەوە
