قایمقمایەتی قەزای کفری - وێنە: 964
لە بەنداوی باوەشاسوار
لیژنەی ئەمنی کفری بڕیاریدا مەفرەزەی هاوبەش دابنرێ
964+
ئەحمەد مستەفا
لیژنەی ئەمنی کفری بڕیاریدا، لەمەبەدوا مەفرەزەی هاوبەشی ئەمنی لە سەرەوەی بەنداوی باوەشاسوار دابنێ، هەروەها بڕیاریداوە بە پێکهێنانی لیژنەیەکی ئەمنی تایبەت بە دەسبەسەراگرتنی ئەو ماتۆڕسکیلانەی دەبنەهۆی نانەوەی پشێوی و تێکدانی ئارامی شار.
کۆبوونەوەی لیژنەی ئەمنی قەزای کفری ئەمڕۆ پێنجشەممە بەڕێوەچوو، کۆبوونەوەکە لە دیوانی قایمقامیەت، بە سەرپەرشتی ساهر عەلی، قایمقامی کفری و ئامادەیی، لێپرسراوی یاریدەدەرێتی ئاسایشی کفری و بەڕێوەبەری بەشی پۆلیسی کفری و نوێنەری بەشی پۆلیسی هاتوچۆی کفری رێکخراوە.
بە گوێرەی راگەیاندنی قایمقامیەتی قەزاکە، لیژنەی ئەمنی قەزای کفری لە کۆبوونەوەکەدا، تاوتوێی چەند پرسێکی پەیوەست بە ژیانی هاوڵاتییان و دۆخی ئەمنی ناو شار کرا و چەند بڕیارێکی پێویستی لەبارەیانەوە داوە.
لەوانە:
1. دانانی مەفرەزەی هاوبەش: ( پۆلیس، ئاسایش، پۆلیسی هاتووچۆ) لە بەشی سەرەوەی بەنداوی باوەشاسوار بەتایبەتی لە شەواندا، لە پێناوی پاراستنی ئاسایش و ئارامی ناوچەکە و ڕێگری کردن لە هەر دیاردە و کارێکی نەخوازراو کە ببێتە هۆی بێزارکردنی ئەو گەشتیار و خێزانانەی بۆ بەسەربردنی کاتێکی خۆش سەردانی باخچە خێزانییەکەی بەشی سەرەوەی بەنداوەکە دەکەن.
2. پێکهێنانی لیژنەیەکی ئەمنی تایبەت بە دەسبەسەراگرتنی ئەو ماتۆڕسکیلانەی دەبنەهۆی نانەوەی پشێوی و تێکدانی ئارامی شار و بێزارکردنی هاوڵاتییان.
3. گرتنەبەری ڕێکاری یاسایی پێویست دژ بە دیاردەی ئۆتۆمبیلی جامڕەش و بێ سەرەتا و بڕاوە، هەروەها داواکاری بۆ چاودێری کردنی زیاتری ئەو سنورانەی گومانی هێنانە ناوەوەی ئەو جۆرە ئۆتۆمبیلانەیان لێ دەکرێت. ڕاگەیاندنی قایمقامیەتی قەزای کفری.
رێکخراوێک لە کفری؛ لۆگۆ نوێیەکەی زانکۆی گەرمیان هێمای ئێمەی تێدانییە
