لە قەزای باتیفا خانوویەک سووتا - وێنە؛ بەرگری شارستانی زاخۆ
زیانی گیانی نەبوو
لە قەزای باتیفا خانوویەک سووتا
964+
شۆڕش قادری
لە گوندێکی قەزای باتیفای سەربە ئیدارەی سەربەخۆی زاخۆ خانوویەک بەتەواوەتی سووتا.
بەپێی راگەیەنراوێکی بەڕێوەبەرایەتی بەرگری شارستانی زاخۆ، کاتژمێر 1:15 خولەکی شەوی رابردوو پەیوەندی بە بنکەی ئاگرکوژێنەوە باتیفا کراوە کە لە گوندی مەلە عەرەب خانوویەک ئاگری گرتووە.
دوای ئاگادارکردنەوەیان دەستبەجێ تیمێکیان چووەتە گوندەکە و توانیویانە ئاگرەکە کۆنتڕۆڵ بکەن، رووداوەکەش زیانی گیانی نەبووە و تەنیا زیانی ماددی لێکەوتووەتەوە.
بەپێی ئەو وێنانەی بەرگری شارستانی زاخۆ بڵاویکردوونەتەوە، خانووەکە زیانی زۆری بەرکەوتووە و بەتەواوەتی سووتاوە، تا ئێستاش هۆکاری کەوتنەوەی ئاگرەکە نەزانراوە.
بارهەڵگرێك لە زاخۆ سووتا و ئەمە چوارەمە لەم هەفتەیەدا
