ئێران و عێراق لێکتێگەیشتنێکیان بۆ رووبەڕووبوونەوەی ماددە هۆشبەرەکان ئیمزا کرد - وێنە؛ مێهر نیوز
مەرزەکان توندوتۆڵ دەکەن
ئێران و عێراق لێکتێگەیشتنێکیان بۆ رووبەڕووبوونەوەی ماددە هۆشبەرەکان ئیمزا کرد
964+
شۆڕش قادری
ئێران و عێراق لێکتێگەیشتنێکی هاوبەشیان بۆ رووبەڕووبوونەوەی ماددە هۆشبەرەکان و کۆنتڕۆڵکردنی مەرزەکان ئیمزا کرد.
چەند رۆژێکە لەسەر بانگهێشتی وەزیری تەندروستیی عێراق و بۆ بەشداریکردن لە دووەمین کۆبوونەوەی لیژنەی هاوبەشی رووبەڕووبوونەوەی ماددە هۆشبەرەکان، شاندێکی ئێران بە سەرۆکایەتی حسێن زولفەقاری نوێنەری سەرۆک کۆمار و سکرتێری گشتی ناوەندی بەرەنگاربوونەوەی ماددە هۆشبەرەکانی ئەو وڵاتە لە بەغدان.
بەپێی راپۆرتێکی ئاژانسی هەواڵی مێهر لە کۆبوونەوەکەدا لێکتێگەیشتنێکی هاوبەش بۆ رووبەڕووبوونەوەی ماددە هۆشبەرەکان ئیمزا کراوە و هەردوولا رێککەوتوون لە بواری توندوتۆڵکردن و چاودێری زیاتری مەرزەکان هاوکاری یەکتر بکەن.
هەر بەپێی لێکتێگەیشتنەکە، تاران و بەغدا لە بواری راهێنان و چارەسەر و چۆنیەتی شیاندنەوەی ئالوودەبووانی ماددەی هۆشبەر هاوکاری یەکتر دەکەن.
"زۆربەی تووشبووانی ماددەی هۆشبەر ئەوانەن کە سەردانی ئێران دەکەن"
"پێویستە ئێران دەروازە نافەرمییەكان لەگەڵ عێراق دابخات"
