سمارت بۆرد دابینکراوە
لە 10 خوێندنگەی سلێمانی زیرەکی دەستکرد تێست دەکرێ
964+
ئەحمەد مستەفا
وەزارەتی پەروەردە بۆ جێبەجێکردنی فێربوونی دیجیتاڵی کارلێکەرانەو زیرەکی دەستکرد، لە پارێزگای سلێمانی و لە سنووری بەڕێوەبەرایەتی گشتی 10 خوێندنگە هەڵبژێرادووە وەک تێست بۆ ئەمساڵی خوێندن.
ئەمڕۆ چوارشەممە 10.9.2025، بەڕێوەبەری پەروەردەی سلێمانی و مامۆستایانی بەشداربوو یەکیان بینی، لەوێ بەرچاو روونی و ئامادەکارییەکان بۆ مامۆستایان شیکراوەتەوە.
لە راگەیەندراوێکدا لە پێگەی فەرمی کە 964 بینوویەتی، پەروەردەی پارێزگاکە دەڵێ، بۆ ئەمساڵی خوێندن لە بازنەی یەک بۆ پۆلەکانی یەک، دوو و سێی بنەڕەتی وەک تێست پەیڕەو دەکرێت، تێیدا 10 خوێندنگە هەڵبژێردراون و سمارت بۆرد دابینکراوە بۆیان.
ئەوەش لە کاتێکدایە کە وەزارەتی پەروەردە لە 21ی ئابی ئەمساڵ لە سێیەم کۆڕبەندی پەروەردەیی خوێندنی دیجیتاڵی و ژیری دەستکردی خستیەە ناو پرۆسەی پەروەردە تاوەکو بتوانن تەکنەلۆجیاو بەگەرخستنی لەناو کایەی پەروەردە سودی لێوەربگیرێ.
