تەرمێكیان هێشتا نەدۆزراوەتەوە
دوو مێردمنداڵ لە روباری دیجلەدا خنکان
964+
سیروان خورشید – دوزخورماتوو
لەماوەی کەمتر لە 24 کاتژمێر، دوو مێردمنداڵ كه كچ و كوڕێكن، لەکاتی مەلەکردندا لە روباری دیجلەى سەر بە پارێزکای سەڵاحەدین خنکان و تەرمی یەکێکیان دەرهێنراوەتەوە و گەڕان بەدوای تەرمەکەی دیکەیان بەردەوامە.
عیماد جاسم، ئێشکگر لە نەخۆشخانەی فێرکاری سەڵاحەدین، بە964ـی وت،” دوو مێردمنداڵ کە یەکیان کوڕە و ئەوەی دیکەیان کچە، تەمەنیان لەنێوان 10 بۆ 15 ساڵاندايه، یەکێکیان دوێنی ئێواره لە روباری دیجلە لەناحیەی یەسرب خنکاوە و ئەوەی دیکەیان بەیانی ئەمڕۆ لەپڕۆژەى ئاوی قەزای ئیسحاقی، کە نزیکە لەهەمان روبارەوە خنکاوە.
دەشڵێت، پێشنیوەڕۆی ئەمڕۆ شەممە لەلایەن تیمی مەلەوانی و خەڵکی ناوچەکەوە تەرمی کچە منداڵەکەیان دەرهێناوە و گەیەندرایە بەشی فریاکەوتنی نەخۆشحانەکەمان و دوای توێکاری پزیشکی دەرکەوت، بەهۆی نەزانینی مەلەکردن و ماندوێتیەوە ژێرئاو کەوتووە و خنکاوە.
“لەئێستادا لەلایەن تیمی مەلەوانی و خەڵکەوە، گەران بەدوای تەرمەکەی دیکەدا بەردەوامە”.
پێداچوونەوە: محەمەد فاتیح
