بەردەم بانکێک لەهەولێر
ساڵانێکە بەم شێوەیەیە
حاڵى موچەخۆران لەسەرەى وەرگرتنى موچەدا
964+
وریا فەتاح
مووچەخۆران لە هەرێمی کوردستان ساڵانێکە بەدەست دواکەوتنی مووچە و قەرەباڵغی بانکەکانەوە گرفتارن، ئەم دۆخە ناخۆشە بەتایبەت لە وەرزی گەرمادا، ژیانی لێ قورستر کردوون، زۆرجار کاتێکی زۆر لە ریزی چاوەڕوانیدا بەسەر دەبەن، هەندێک جاریش بەبێ وەرگرتنی مووچە دەگەڕێنەوە ماڵەوە. `
بەڵام لەناو ئەم سەختیانەشدا، هەندێک دەستپێشخەری سادە دیمەنی جوان دروست دەکەن، بۆ نموونە، لە بەردەم بانکی دوین لە هەولێر، تەشتێکی پڕ لە ئاو و سەهۆڵ دانراوە بۆ فێنککردنەوەی مووچەخۆران، ئەم کارە بچووکە پەیامێکی گەورە هەڵدەگرێت لە هاوسۆزی و پێکەوەیی.
هەرچەندە وەرگرتنی مووچە پڕە لە ماندوێتی، بەڵام بۆ هەندێک کەس هۆکارێکە بۆ بووژانەوەی بازاڕ، لە بەردەم بانکی گەرمیان، بازاڕێکی بچووک دروست دەبێت و مووچەخۆرانیش دوای وەرگرتنی مووچە، پێداویستییەکانیان دەکڕن.
