کارمەندێکی کارەبای راپەڕین لەکاتی چاکسازیکردن لە تۆڕەکانی کارەبادا - فۆتۆ: بەڕێوەبەرایەتی کارەبای راپەڕین
چاکسازی لە محاویلە و فیدەرەکاندا دەکرێت
رانیە رۆژانە نۆ کاتژمێر بێ کارەبای نیشتمانی دەبێت
964+
ژێوار خدر
بۆ ماوەی یەک هەفتە رۆژانە رانیە بۆ نۆ کاتژمێر بێ کارەبای نیشتمانی دەبێت، بەهۆی چاکسازیکردن لە محاویلە و فیدەرەکانی قەزاکەدا.
عەلی محەمەد، بەڕێوەبەری کارەبای راپەڕین بە 964ـی وت، هۆبەکانی چاککردنەوەی تۆڕەکانی کارەبا کاری چاکسازی لە محاویلە و فیدەرەکانی ناو قەزای رانیەدا دەکەن، بۆ ئەو مەبەستەش رۆژانە کارەبای نیشتمانی بەشێک لە گەڕەکەکانی ناو شاردا دەبڕن و لەو کاتەشدا پێویستە مۆلیدەکانی کارەبا ئیش بکەن.
وتیشی، رۆژانە و بۆ ماوەی یەک هەفتە لە کاتژمیر 8:30 خولەکی بەیانییەوە بۆ 5:30 خولەکی ئێوارە کارەبای نیشتمانی لە بەشێک لە گەڕەکەکان دەبڕدرێت، تەنیا ناو بازاڕدا نەبێت لە کاتژمێر 6:30 خولەکی بەیانیەوە کارەباکە دەبڕدرێت.
