ئێستا چوار ملیۆن هاوڵاتی كارەبای 24 سەعاتییان هەیە

محەمەد فاتیح

نزیکەی چوار ملیۆن هاونیشتمانی لە هەرێمی كوردستان لە چوارچێوەی پڕۆژەی رووناکی کارەبای 24 کاتژمێرييان پێگەیشتووە، کە دەکاتە زیاتر لە 50%ـی دانیشتووانی هەرێم، زیاتر لە سێ‌ هەزار مۆلیدەی گازوایلیش لە گەڕەکەکان کوژێنراونەتەوە.

بەپێی راگەیەندراوێكی وەزارەتی کارەبا، ئەم هەنگاوە هەڵەبجە دەکاتە یەکەمین پارێزگا لەسەر ئاستی عێراق و هەرێمی کوردستان، کە لە تەواوی شارەكە کارەبای 24 کاتژمێری هەبێت لە رێگای پڕۆژەی رووناکییەوە.

دوایین ئاماری هاوڵاتی و هاوبەشانی نێو پڕۆژەی ڕووناکی:

کوردستان:

هاوڵاتی: 3,770,000

هاوبەش: 987,000

هەولێر:

هاوڵاتی: 1,935,000

هاوبەش: 504,000

سلێمانی:

هاوڵاتی: 1,345,000

هاوبەش: 351,000

دهۆک:

هاوڵاتی: 351,000

هاوبەش: 94,000

هەڵەبجە:

هاوڵاتی: 139,000

هاوبەش: 38،000

لە راگەیەندراوەكەی وەزارەتی كارەبادا هاتووە كه زیاتر لە 3,200 مۆلیدەی گازوایل لە گەڕەکەکان کوژێنراونەتەوە و تا کۆتایی ساڵی 2026یش حکومەتی هەرێمی کوردستان لە پلانی دایە زیاتر لە 7,000 مۆلیدە بکوژێنێتەوە.

کۆی گشتی ژمارەی ئەو مۆلیدانەی کوژێنراونەتەوە  و کاریگەرییان لە کەمکردنەوەی دەردانی دووەم ئۆکسیدی کاربۆنی ساڵانە بە تۆن لە پڕۆژەی رووناکی.

کوردستان:

ژمارەی مۆلیدەی کوژێنراوە: 3,222

کەمکردنی دەردانی دووەم ئۆکسیدی کاربۆن: 600,000

هەولێر:

ژمارەی مۆلیدەی کوژێنراوە: 2,197

کەمکردنی دەردانی دووەم ئۆکسیدی کاربۆن: 410,000

سلێمانی:

ژمارەی مۆلیدەی کوژێنراوە: 604

کەمکردنی دەردانی دووەم ئۆکسیدی کاربۆن: 112,000

دهۆک:

ژمارەی مۆلیدەی کوژێنراوە: 356

کەمکردنی دەردانی دووەم ئۆکسیدی کاربۆن: 63,000

هەڵەبجە:

ژمارەی مۆلیدەی کوژێنراوە: 65

کەمکردنی دەردانی دووەم ئۆکسیدی کاربۆن: 15،000

مانگی تشرینی دووەمی ساڵی 2024، مەسرور بارزانی، سەرۆکی حکومەتی هەرێمی کوردستان، پڕۆژەی رووناکی راگەیاند، بە مەبەستی گەیاندنی کارەبای 24 کاتژمێری بۆ سەرجەم ماڵ و شوێنە بازرگانییەکان تاوەکو کۆتایی ساڵی 2026، لە ئایاریش ئەنجومەنی وەزیرانی حکومەتی هەرێمی کوردستان بەکۆی دەنگ بڕیاری پەسەندکردنی پڕۆژەکەی دەرکرد.