"هەنگوینی ئەسڵ دەیبەستێ"
یەکێک لە کۆنترین هەنگوین فرۆشەکانی سلێمانی هەنگوینی ساڵی 1997ـی هەیە
964+
دیلان محەمەدجەزا – سلێمانی
کاکە حەمە یەکێکە لە کۆنترین هەنگوین فرۆشەکانی سلێمانی و هەنگوینی 30 ساڵەی لا دەست دەکەوێ، وەک خۆشی دەڵێت، ئەمساڵ ساڵێکی باش نییە بۆ هەنگوین و هەنگەوانەکان بەرهەمی باشیان نەبووە.
پەیامنێری 964 چووەتە دوکانەکەی کاکە حەمە بەڵام نەک بۆ هەنگوین کڕین، بۆ گوێگرتن لە ئامۆژگاری و قسە خۆشەکانی، کاک حەمە دەڵێت، “هەرچەندە ساڵە وشکەکان هەنگوین باش بووە، بەڵام ئیمساڵ بە عامەتەن هەنگوین خراپە و هەنگەوانان 25٪ـی ساڵانی پێشوو بەرهەمیان هەبووە”.
ئاماژەی بەوەشکرد، ساڵی 2013 باشترین ساڵ بووە بۆ هەنگوین و وێنەی نەبووە، لەو ساڵەدا هەنگەوان هەبووە، شەش تۆن بەرهەمی هەبووە.
بە قسەی کاکە حەمە، هەر هەنگوینێک ئەسڵ بێ، دەیبەستێ و شێوەکەی وەک رۆنی کوردی لێ دێت.
پێداچوونەوە؛ شۆرش قادری
قایمقامیەتی سلێمانی: فرۆشتنی هەنگوینی ساختە قەدەغەیە
