دەنگی تەقە و بانگی بەیانی تێکەڵ بوون
سلێمانی هەینییەکی نائاسایی بەڕێکرد
964+
پەری ساڵح
بەرەبەیانی ئەمڕۆ هەینی 22.8.2025 دەنگی تەقە و بانگی بەیانی لە سلێمانی تێکەڵ بەیەکتری بوون و شارە حەیاتەکە رۆژێکی نائاسایی بەڕێکرد.
هێزە ئەمنییەکان بە چەندین چەکی قورس و سووک هێرشیان کردەسەر هوتێل لالەزار بۆ دەستگیر کردنی لاهور شێخ جەنگی و هاوڕێکانی.
شەڕ و رووبەڕووبوونەوە روویدا و بەپێی دوایین ئامارەکان چوار کەس گیانیان لەدەستداوە و نزیکەی 26 کەسی دیکەش برینداربوون کە برینی بەشێکیان سەختە.
جگە لە زیانە گیانییەکان زیاتر لە 15 ئۆتۆمبێل سووتاون و زیانی زۆریش بەر ئۆتۆمبێل و خانووی هاوڵاتیان لە گەڕەکی سەرچنار کەوتووە.
لیژنەی قەرەبووی زیانەکان سەردانی ماڵەکانیان کرد و داوای لێبوردنیان لێکردن و بڕیارە یەک بەیەکی زیانلێکەوتووان قەرەبوو بکرێنەوە.
پێداچوونەوە؛ شۆڕش قادری
پێکدادانی لالەزار کۆتایی هات و شار نیمچە ئارامە
