لە گوندێکی باتیفا
گەنجێک کارەبا گرتی و دوای گەیاندنی بە نەخۆشخانە گیانی لەدەست دا
964+
شڤان عەبدوڵا – زاخۆ
لە گوندی بانکێ لە سنووری قەزای باتیفا، گەنجێکی تەمەن 25 ساڵ کارەبا گرتی و دوای گەیاندنی بە نەخۆشخانە گیانی لەدەست دا.
شەوی رابردوو سەعدی دڵشاد لەکاتی ئامادەکردنی کەپرەکانی گەشتیاری لە گوندی بانکێ، کارەبا گرتی و بەسەختی برینداربوو، کەسوکار و هاوڕێکانی، گەنجەکەیان گواستەوە بۆ نەخوشخانەی باتیفا، بەڵام نەخۆشخانەکە داخرابووە، بۆیە بەرەو زاخۆ بەڕێکەوتن و گەیاندیانە فریاکەوتنی زاخۆ، لەو ماوەیەشدا دۆخی تەندروستی زیاتر تێکچوو و دواتر گیانی لەدەستدا.
ئەمیر عەلی وتەبێژی تەندروستی زاخۆ بە 964ـی وت، “ئەوەی پێویست بوو پزیشکەکان ئەنجامیاندا، بەڵام بەداخەوە بەهۆی سەختی برینەکەی گیانی بەخشی.”
پۆلیسی زاخۆ پەڕاوی لێکۆڵینەوەی بۆ رووداوەکە کردووەتەوە و دەستیان بە لێکۆڵینەوە لەوبارەیەوە کردووە.
پێداچوونەوە؛ شۆرش قادری
باوکی سێ منداڵ کارەبا گرتی و گیانی لەدەست دا
