شانۆیەک بە عەرەبی
“نوکتەچی” برایە وڵاتی ئوردەن
964+
چاوان خەلیل
تیپی شانۆی کەرکوک بە نمایشی شانۆیی (نوکتەچی) بەشدار دەبێت لە فێستیڤاڵی شانۆی نێودەوڵەتیی سرووتی ئێوارە لە وڵاتی ئەردەن و ئەمڕۆ گەیشتنە ئەو وڵاتە.
فێستیڤاڵەکە 18ـەمین خولیەتی و بۆ ماوەی چوار رۆژ بەردەوام دەبێت، 11 کاری تێدا نمایش دەکرێت لە 20 تا 24ـی ئەم مانگە.
مەریوان زەنگەنە دەرهێنەر و ئەکتەری شانۆی نوکتەچی، بە 964ـی وت، ئەم بەیانییە گەیشتوونەتە وڵاتی ئوردەن و شانۆکەیان لە فێستیڤاڵێکی نێودەوڵەتی بە زمانی عەرەبی نمایش دەکەن.
وتیشی، شانۆی نوکتەچی مۆنۆدرامایە و تەنیا خۆی رۆڵی تیادا دەبینێت و لە نووسینی عەلی عەبد نەبی زوبەیدییە.
شانۆی نوکتەچی، پێشتر لە شارەکانی سلێمانی، کەرکوک، دەربەندیخان نمایش کراوە، هەروەها لە فێستیڤاڵی تونس لە قرتاج خەڵاتی زێڕینی باشترین نمایشی بەدەستهێناوە.
