هەڵمەتی دەستبەسەرداگرتنی ئاژەڵی بەڕەڵا لە سۆران دەستپێدەکات

964+

شۆڕش قادری

هاوڵاتیانی سۆران ئاگاتان لە ئاژەڵەکانتان بێ و بەڕەڵای سەر جادە و شەقامەکانیان مەکەن، شارەوانی هۆشداری دەدات و دەڵێ، چاوپۆشی لەکەس ناکەن و سزا دەدرێن.

سەرۆکایەتی شارەوانی سۆران لە ئاگادارییەکدا دەڵێت، “هەڵمەتی دەستبەسەرداگرتنی ئاژەڵی ماڵی سەر شەقامەکان دەستپێدەکات و دەستبەسەر ئەو ئاژەڵانەدا دەگیرێت کە لە ناو کۆڵان و گەڕەکەکان و سەر شەقامەکان بەرەڵا دەکرێن و دەبنەهۆی لە ناوبردنی دار و سەوزایی سەر شەقام و شۆستەکان و هاوکات پیشاندانی سیمایەکی ناشارستانی”.

ئاماژە بەوەشکراوە، بڕیاریانداوە لە سبەی دووشەممەوە 18.8.2025 رێکاری یاسایی توند بگرنەبەر بەرامبەر خاوەن ئاژەڵە بەڕەڵاکان و دەست بەسەر ئاژەڵەکانیان دەگیرێت و سزا دەدرێن.

شارەوانی سۆران دەشڵیت، چاوپۆشی لە کەس ناکەن و هەر کەس و لایەنێک داوای هاوکاری بۆ ئەو بابەتە بکات، پێویستە خۆی ئامادە بێت کە پێبژاردن لە جیاتی خاوەن ئاژەڵەکە بدات.

گلەیی هاوڵاتیان کۆمەڵێک مانگای بەگرتن دا

رێكاری یاسایی بەرامبەر ئەو كەسانە دەگیرێتەبەر كە ئاژەڵ بەرەڵا دەكەن