لە شاخی زمناکۆی دەربەندیخان
دوو هەزار دۆنم پوش و پاوان و دارستانی سروشتی سووتا
964+
ژێوار خدر
لە سنووری شاخی زمناکۆ ئاگرێکی گەورە کەوتەوە و زیانێکی زۆری بە سروشت و ژینگەی ناوچەکە گەیاند.
پۆلیسی دارستان و ژینگەی سلێمانی رایگەیاند، لەگەڵ گەیشتنی هەواڵی کەوتنەوەی ئاگر لە شاخی زمناکۆی سنووری دەربەندیخان، مەفرەزەکانی پۆلیسی دارستانی دەربەندیخان لە بارەگای بەش و خاڵی سەر دەریاچەکە گەیشتنە شوێنی رووداوەکە و بە هاوکاری پۆلیسی بەرگری شارستانی و دانیشتووانی گوندی زمناکۆ لەدوای پێنج کاتژمێر توانرا ئاگرەکە کۆنترۆڵ بکرێت .
دەشڵێت، هۆکاری کەوتنەوەی ئاگرەکە شۆرتی کارەبا بووە بەپێی ئەنجامە سەرەتاییەکان پێشبینی دەکرێت نزیکەی دوو هەزار دۆنم لە پوش و پاوان و دارستانی سروشتی ناوچەکە سووتابێت .
