هەناردەكردنەوەی نەوت و موچە گفتوگۆی لەسەر دەكرێت

964+

ئەرسەلان عەبدوڵا

ئەمڕۆ ئەنجومەنی وەزیرانی كوردستان كۆبوونەوەی هەفتانەی خۆی ئەنجام دەدات، پرسی هەناردەكردنەوەی نەوتی كوردستان و موچەكانی مانگەكانی شەش و حەوتی فەرمانبەران بابەتی سەرەكی گفتوگۆیەكانە.

فەرمانگەی میدیای و زانیاری بڵاویكردەوە، ئەمڕۆ چوارشەممە ئەنجومەنی وەزیرانی كوردستان كۆدەبێتەوە.

بە گوێرەی زانیاری فەرمانكەگە، كۆبوونەوەكە لەسەر دوو بڕگە دەبێت، بڕگەی یەكەم بەدواداچوون بۆ دواهەنگاوەکانی خەرجکردنی موچەی هەردوو مانگی حوزەیران و تەمووزی 2025ی فەرمانبەرانی كوردستان دەکرێت، كە تا ئێستا بەغدا نەیناردووە.

هەروەها لە بڕگەی دووەمی کۆبوونەوەكەدا بابەتی دەستپێکردنەوەی هەناردەکردنی نەوتی هەرێم، لەبەر ڕۆشنایی دوابڕیاری هاوبەشی حکومەتی هەرێم و ئەنجومەنی وەزیرانی حکومەتی فیدراڵ تاوتوێ دەکرێ.

فەرمانبەرانی كوردستان چاوەڕێی موچەكانی مانگی شەش و حەوت دەكەن، دوای ئەوەی سەرەتای ئەم هەفتەیە موچەی مانگی پێنجیان وەرگرت.

ئەنجومەنی وەزیران گرێبەستەکانی وزە تاوتوێ دەکات