گردبوونەوە و داوای کارەبا و خزمەتگوزاری دەکەن
دانیشتووانی قوشتەپە: “ئاومان نییە دەستنوێژی پێبشوێن”
964+
عەبدولعەزیز خالند – هەولێر
دانیشتووانی چەند گوندێکی قوشتەپە بەهۆی نەبوونی خزمەتگوزارییەوە لەسەر رێگەی سەرەکيی هەولێر – کەرکوک گردبوونەوە و بۆ ماوەیەک رێگەکەیان داخست، یەکێک لە هاوڵاتییەکانیش دەڵێت، “ئاومان نییە دەستنوێژی پێبشوێن”.
هاوڵاتیان لەسەر شەقامی هەولێر – کەرکوک لە نزیک گوندی دۆڵە بەکرە کە چەند کاتژمێرێکە رێگەکەیان گرتووە قسەیان بۆ پەیامنێری 964 کرد و یەکێکیان وتی، نە ئاو و نە کارەبامان نییە، لەگەڵ خزم و کەسەکانم دوو سێ ماڵ کۆبووینەتەوە و چووینەتە ماڵێک کە بە تاقەی شەمسی کارەبا پێدەکەن.
وتیشی، ماوەی سێ مانگە رۆژانە سێ کاتژمێر کارەبامان پێدەدەن، تەنیا داواکاریمان ئەوەیە کارەباکەمان بدەنەوە، چونکە ئەگەر کارەبا بێتەوە کێشەی ئاویشمان نامێنێت.
پێداچوونەوە: ژێوار خدەر
