نرخی نەوت زیاتر دابەزی

نزیکەی هەفتەیەکە نرخی نەوت لە خوار 70 دۆلارەوە دێت و دەچێ و ئەمڕۆش کەمێکی دیکە دابەزی و هەر بەرمیلێک لەسەروو 68 دۆلارەوە مامەڵەی پێوەدەکرێت.

ئەمڕۆ سێشەممە 22.7.2025 و لەکاتی کردنەوەی بازاڕی جیهانیی نەوت، نرخی یەك بەرمیل نەوتی برێنت بە 68 دۆلار و 58 سەنت دیاری کراوە و بەراورد بە دوێنێ ئێوارە نرخەکەی 0.91٪ دابەزیوە.

هاوکات یەك بەرمیل نەوتی خاوی تێكساس بە 66 دۆلار و 51 سەنت مامەڵەی پێوەدەکرێت و نرخەکەی 1.03٪ دابەزیوە.

هەفتەی رابردوو گرژییەكانی رۆژهەڵاتی ناوەڕاست و بە تایبەتیش هێرشی حوسییەكانی یەمەن بۆ سەر كەشتییە بازرگانییەكان، نرخی نەوتی بۆ سەروو 70 دۆلار بەرزکردەوە، بەڵام چەند رۆژێکە سەربەرەو خوار بووەتەوە.

هێرشى درۆنى کرایە سەر پاڵاوگەیەکى نەوت لە شێخان

تورکیا چیتر رێگە بە گواستنەوەى نەوتى عێراق نادات؛ مەوقیفى هەرێم بەهێز دەکات