"زبڵ و پاشماوه فڕێبدهن سزا دهدرێن"
له سنوورى قهزای سێمێل سهرژمێرییهك بۆ مهزرهعهكان دهكرێت
964+
فهرهاد حهسهن
قایمقامیهتى قهزاى سێمێل بڵاویكردهوه، ئهمڕۆ له كۆبوونهوەیهك لهگهڵ بهڕێوهبهرى ههر چوار ناحیهكهیان بڕیاری ئهوه دراوه كه بۆ لهمهودوا ههر خاوهن مهزرهعهیهكی سنوورهكهیان زبڵ و پاشماوه فڕێبدات، رووبهڕووى یاسایان دهكهنهوه.
له سنوورى قهزاى سێمێل ناحیهكانى فایدیێ، تەناهی، خانكێ و مسێریكێ، ههن.
زهردهشت شێخ شامۆ، بهڕێوبهرى ناحیهى خانكێ به 964ـى راگهیاند، بهپێی بڕیارى كۆبوونهوهكهى ئهمڕۆیان سهرەتا سهرژمێرییهك بۆ مهزرهعهكانى سنوورهكهیان دهكرێت كه بزانه چهند مهزرهعهى لێیه.
وتیشی “زۆربهى خاوهن مهزرهعهكان زبڵ و پاشماوهكانیان لهسهر رێگا گشتییهكان فڕێدهدهن و پابهندی ژینگهپارێزى نابن بۆیه لێپرسینهوهیان لهگهڵدا دهكرێت”.
ئاماژهى بهوهشكرد، بهشێكی زۆرى مهزرهعهكان كهوتونهته شوێنه گهشتیارییهكان و گهشتیار سهردانى دهكهن بۆیه پێویسته ئهو شوێنانه به پاكی بمێننهوه، وتیشی “جارێ دیار نییه سزادانى ئهو خاوهن مهزرهعانه چۆن دهبێت، بەڵام لهدواى سهرمێری كردنهكهیان سزاكهشیان دیاری دهكرێت”.