دوای مانگێک لە بڕیارەکەی وەزارەتی ناوخۆ
سواڵکردن لە شەقامەکانی هەولێر بەردەوامە
964+
عەبدولعەزیز خالند – هەولێر
دوای مانگێک لە بڕیارەکەی وەزارەتی ناوخۆ بۆ قەدەغەکردنی دیاردەی سواڵکردن لەسەر شەقامەکان، هێشتا ئەو دیاردەیە بەتەواوەتی بنەبڕ نەکراوە و لە ترافیک لایتەکانی هەولێری پایتەخت منداڵ و مێردمنداڵان دەبینرێن لەکاتی سواڵکردندا.
لە رۆژی 11.6.2025 بڕیاری قەدەغەکردنی سواڵکردن و فرۆشتنی گوڵ و کلێنێکس لە ترافیک لایت و شوێنە گشتییەکان، بە میکانیزمێکی نوێ لەلایەن هەردوو وەزارەتی ناوخۆ و کار و کاروباری کۆمەڵایەتی هەرێم کەوتە بواری جێبەجێکردنەوە.
ئەمڕۆ هەینی 11.7.2025 و دوای تێپەڕبوونی یەک مانگ بەسەر بڕیارەکە، پەیامنێری 964 چووەتە ترافیک لایتەکانی هەولێر و بینیویەتی، سواڵکردن بەردەوامە و بڕیارەکە گۆڕانکارییەکی ئەوتۆی دروست نەکردووە.
پێداچوونەوە؛ شۆڕش قادری
