ئەم گەرما تاقەتپڕوکێنەیە بۆ چەند رۆژی تر بەردەوام دەبێت
لەمەودوا نیوەڕۆیان وریابن
کەشناسى عێراق هۆشدارى دەدات: لە بڵاوبوونەوەى تیشى سەروو بنەوشەیى
964+
وریا فەتاح
دەستەی گشتیی کەشناسی و بوومەلەرزەزانیی عێراق، ئەمڕۆ پێنجشەممە، هۆشدارییەکی لەبارەی بەرزبوونەوەی ئاستی تیشکی سەروو بنەوشەیی (UV) لە زۆربەی ناوچەکانی عێراق بڵاوکردەوە، داواشی لە هاوڵاتییان کرد خۆیان بپارێزن، هەرێمى کوردستان بەگشتى و دهۆک و سلێمانى بەتایبەت وەزعیان باشە.
وەک ئەوەى دەستەکە بڵاوى کردووەتەوە، ئاستی تیشکی سەروو بنەوشەیی لە کاتەکانی نیوەڕۆدا بۆ ئاستێکی مەترسیدار بەرز بووەوەتەوە، کە لە کاتی بەرکەوتنی راستەوخۆ و درێژخایەندا زیانی تەندروستی دەبێت.
دەستەکە داوای لە هاوڵاتییان کردووە، لەمەودوا وریا بن و رێکاری خۆپارێزیی پێویست بگرنەبەر، بەتایبەت لە کاتەکانی نیوەڕۆدا و خۆیان لە بەرکەوتنی راستەوخۆ و درێژخایەن بە تیشکی خۆر بەدووربگرن.
ئاستى تیشکەکەش لە پارێزگایەکەوە بۆ پارێزگایەکى تر جیاوازە کە بەم شێوەیە روونکراوەتەوە:
ئاستی زۆر بەرز (سوور): سەلاحەدین، دیالە، واست، بابل، کەربەلا، بەسرە، زیقار.
ئاستی بەرز (پرتەقاڵی) : موسەننا، میسان، کەرکوک، نەجەف.
ئاستی مامناوەند (زەرد): ئەنبار، نەینەوا، هەولێر.
ئاستی نزم (سەوز): دهۆک، سلێمانی.
تاقیکردنەوەی زانستییەکان سەلماندویانە کە تیشکی سەروو وەنەوشەیی بەتایبەت کە دەکەوێتە ئاستى سورەوە، کاریگەرى بایۆلۆژی خەراپی ھەیە لەسەر تەندروستی مرۆڤ بەتایبەت لەسەر چاو و پێست.
