هەناردەی بەرهەمی کارگە بچووکەکانی هەرێمی کوردستان بۆ عێراق دەستپێدەکاتەوە

964+

ژووری هەواڵ

ژووری بازرگانی سلێمانی گفتی لە وەزارەتی بازرگانی عێراق وەرگرتووە کێشەی هەناردەی بەرهەمی کارگە بچووکەکانی هەرێمی کوردستان بۆ ناوەڕاست و باشووری عێراق، کە نزیکەی دوو ساڵە بەردەوامە، چارەسەر بکات.

ئەمڕۆ شەممە 5.7.2025، ئارام بابان، ئەندامی ژووری بازرگانی سلێمانی بە 964ـی راگەیاند، وەزارەتی بازرگانی عێراق رەزامەندی داوە بە ساغکردنەوەی بەرهەمی کارگە بچووکەکانی هەرێمی کوردستان لە ناوەڕاست و باشووری عێراق.

بڕیارە بۆ چارەسەرکردنی کێشەکە، شاندێکی وەزارەتی بازرگانی عێراق بێتە سلێمانی و لێکتێگەیشتنێک واژۆدەکەن بۆ چارەسەرکردنی پرسی کارگە بچووکەکان کە ژمارەیان زیاد لە 300 کارگەیە.

بە وتەی ئەو ئەندامەی ژووری بازرگانی سلێمانی، رێگەنەدان بە هەناردەی بەرهەمی ئەو کارگانە کێشەی کەمی بەرهەم و کاڵا لە بازاڕەکانی عێراق دروست دەکات.

"پرۆسەی چەکدانانی پەکەکە لە سلێمانییەوە دەستپێدەکات"