ناحیەی قەرەتەپە بە قەزا
سنووری دیالە
ناحیەی قەرەتەپە بوو بە قەزا
964+
ئەرسەلان عەبدوڵا
جێگری سەرۆك وەزیرانی عێراق و وەزیری پلاندانان محەمەد عەلی تەمیم رەزامەندیی دا ناحیەی قەرەتەپە لە سنووری پارێزگای دیالە بكرێت بە قەزا.
بە پێی راگەیاندراوێكی وەزارەتی پلاندانانی عێراق، وەزیری پلاندانان دوای وردبینی و بەدواداچوون، هەروەها بوونی مەرجەكانی پلاندانان، كە لە لایەن وەزارەتەكەیانەوە پشتی پێدەبەسترێت، بڕیاریان دا ناحیەی قەرەتەپە بكەن بە قەزا.
بەپێی راگەیاندراوەكە، ناحیەكانی جەبارە و كۆكس سەر بە قەزای قەرەتەپە دەبن.
قەرەتەپە یەکێک بوو لە ناحیەكانی سەر بە قەزای کفری لە پارێزگای دیالە، دانیشتووانەکەی لە كورد، عەرەب و تورکمان پێکھاتووە.
قەرەتەپە وشەیەکی تورکییە کە لە دوو بڕگە پێکھاتووە، قەرە و تەپە کە بە واتای (گردی رەش) دێت.
