دۆناڵد ترەمپ، سەرۆکی ئەمریکا - GETTY IMAGES
ملیارەها دۆلار لە چین وەردەگرین
ترامپ: ئێران ناتوانێت چەکی ئەتۆمی هەبێت
964+
وریا فەتاح
سەرۆکى ئەمریکا جارێکى دیکە هێرشى کردە سەر بایدن و لە بارەى ئێرانیشەوە دەڵێت: ناتوانێت چەکى ئەتۆمى هەبێت.
کەمێک لەمەوبەر دۆناڵد ترەمپ قسەى کرد و بەشى زۆرى قسەکانیشى لەسەر پەیوەندییە سیاسى و بازرگانییەکان و بنکە ئەتۆمییەکانى ئێران بوو.
پوختەى لێدوانەکانى ترەمپ:
لەبارەى ئێرانەوە
_ ئێران دەیەوێت کۆبوونەوەمان لەگەڵدا ساز بکات.
_ پێگە ئەتۆمییەکانیان وێرانکراون.
_ ئەو هەواڵانەى دەڵێن پێش لێدانەکە پێگەکان چۆڵکراون دوورن لە راستییەوە.
_ بەدڵنیاییەوە پێموانییە ئێران بەمزوانە بگەڕێتەوە بۆ بەرنامە ئەتۆمییەکەى.
_ نابێت رێگە بدرێت ئێران ببێتە خاوەنی چەکی ئەتۆمی، ئەمەش دوا شتە کە ئێرانییەکان ئەمڕۆ بیری لێ دەکەنەوە.
_داوا دەکەم ئاژانسی نێودەوڵەتیی وزەی ئەتۆم یان هەر لایەنێکی دیکەی جێی رێزمان بتوانن پشکنین بۆ دامەزراوە ئەتۆمییەکانی ئێران بکەن.
_پوتین پەیوەندیی پێوە کردم بۆ یارمەتی سەبارەت بە ئێران، بەڵام پێم وت کە خۆم گرنگی بە بابەتەکە دەدەم و داوام لێکرد یارمەتیدەر بێت لە بابەتی ئۆکرانیادا.
– جارێکی تر بیر لە بۆردوومانکردنی ئێران دەکەمەوە ئەگەر بگەڕێتەوە سەر پیتاندنی یۆرانیۆم.
لەبارەى ناتۆ و پەیوەندییە بازرگانییەکان
_وڵاتانی ناتۆ رێزی زیاتر بۆ ئەمریکا دادەنێن و رێژەی خەرجییە بەرگرییەکانیان زیاد کردووە.
_هیوادەخوازم ئەمڕۆ رێککەوتنێکی بازرگانی لەگەڵ هیندستان ئەنجام بدرێت.
_شتگەلێکى نایاب لەگەڵ چین روودەدەن.
_هەڵاوسان بە هیچ شێوەیەک لە وڵاتەکەماندا بوونی نییە.
_ بەهۆی باجە گومرگییەکانەوە پارە پەیدا دەکەین و کارگەی نوێ دروست دەکەین و وەبەرهێنانی گرنگ دابین دەکەین.
_ بەهۆی باجە گومرگییەکانەوە بە ملیاران دۆلار پارە لە چین و وڵاتانی زۆری دیکەوە وەردەگرین.
_ وڵاتانێک هەن کە راهاتوون لەسەر قۆستنەوە و تاڵانکردنمان، بەڵام ئەمڕۆ ئابووریی ئەمریکا زۆر باشتر دەبێت.
لەبارەى جۆبایدنەوە
_بایدن خراپترین سەرۆکی مێژووی وڵات بوو، و باوەڕ ناکەم هەر ئەو بووبێت کە بڕیارەکانی داوە
_ هەڵبژاردنەکانی سەرۆکایەتیی ساڵی 2020 ساختەکارییان تێدا کرا و دزران.
