منداڵێک نادیارە
ئاگرێک لە كەمپی ئاوارەكانی بەحركە كەوتەوە
964+
دەشتی عارف – هەولێر
پەیامنێری 964 خۆی گەیاندە كەمپی ئاوارەكانی ناوچەكانی ناوەڕاست و خوارووی عێراق لە بەحركە، كە ئاگرێك لەوێ كەوتووەتەوە و چەند كابینەیەكی نیشتەجێبوونی ئاوارەكان سووتاون.
وێنەكان ئەوە دەردەخەن تیمەكانی بەرگریی شارستانی بە چڕی ئامادەن و خەریكی كۆنتڕۆڵكردنی ئاگرەكەن.
هاوكات ئەوەی باشە هیچ زیانێكی گیانی نییە و تەنیا زیانی ماددی هەیە، بەڵام موقەدەم شاخەوان سەعید وتەبێژی بەرگریی شارستانی هەولێر بە 964ی وت، هاوڵاتییەكی كەمپەكە نادیارە و بەدوایدا دەگەڕێن، نازانم سۆراغی چییە.
نوێكرایەوە 8:30
موقەدەم شاخەوان سەعید وتەبێژی بەرگریی شارستانیی هەولێر بە 964ی راگەیاند، ئاگرەكەی كەمپی ئاوارەكان لە بەحركە كۆنتڕۆڵ كرا و تەنیا زیانی ماددی هەیە، بەڵام منداڵێك نادیارە و بەدوایدا دەگەڕێن.
پێداچوونەوە: ئەرسەلان عەبدوڵا
