17 سزاى قوڕسی بهسهردا سهپێندراوه
ئینتەرپۆل بەڕێوەبەری پێشووی بانکی TBI عێراقی رادهستی بهغدا كردووهتهوه
964+
فهرهاد حهسهن
دەستەی دەستپاکی عێراق رایگهیاند، لەڕێی پۆلیسی ئینتەرپۆلەوە حەمدیە جاف، بەڕێوبەری پێشوی بانکی عێراقی بۆ بازرگانی TBI لە ئیماراتی عەرەبی یەکگرتوو دەستگیرکراوە و رادهستى عێراق كراوهتهوه.
بهپێی راگهیهندراوێكی دهستهكه كه ئهمڕۆ پێنجشهممه بڵاویكردووهتهوه، رادەستکردنەوەی حەمدیە جاف بە هاوکاری لەگەڵ پۆلیسی ئینتەرپۆل لە سەرەتای مانگی رابردودا ئەنجامدراوە، كه ناوبراو بە تۆمەتی زیانگەیاندن بە سامانی گشتی بە بڕی زیاتر لە ملیارێک و 25 ملیۆن دۆلار سزا دراوه.
لە مانگی ئازاری ساڵی 2024 دەستەی دەستپاکی وردەکاری سەبارەت بە رادەستکردنەوەی ئەو کەسانەی کە تۆمەتبارن بە گەندەڵی و وەرگرتنەوەی سەروەت و سامانی راگەیاندبوو.
ئهواكت سەرۆکی دەستەی دەستپاکی رایگهیاندبوو “مەلەفەکانی حەمدیە جاف کاریان لەسەر دەکرێت، خاوەنی 17 مەلەفە، ئەو پارەیەی کە قەرزاری عێراقە نزیکەی دوو ملیار دۆلارە، لە ئێستادا پێنج مەلەفی تەواو کراوە، یەک فایلیش بەسە بۆ رادەستکردنەوەی و دادگاییکردنی”.
بهقسهى دهستهكه، ئهو ژنه دوای ئەنجامدانی ئەو تاوانانە، هەڵاتووە، بهڵام لە دادگاکانی عێراق بەشێوەی ئامادەنەبوو 17 سزای توندى بهسهرداسهپێندراوه.
وەزارەتی دارایی: TBI دەیان ئامێری راکێشانی پارە لە هەرێم دادەنێت
پارێزگای كەركوک: پارێزگاری پێشوو لەسەر گەندەڵی دەستگیر كراوە
